Isumassarsiap imaraa suliffeqarfiutillit, nerisassiornermik immikkut sammisallit aammalu nerisassiornermik nuannarisallit igaffimmi nerisassiornermik akuerisaasumi nerisassiornermik suliaqarfeqarsinnaanissaat. Igaffiup atortorissaarutit pisariaqartinneqartut pigissavai aamma workshopeqartitsisinnaassalluni, imaaliallaanaq aaqqissuussanik nutaanik (pop-up events) assigisaanillu aaqqissuussiffigineqarsinnaassaq. Foodlabip siulliullugu sammissavaa kujataaneersunik nunatta sinneranut tunisassiulersinnaanissaq, siunissalu isigalugu aamma avammut tunisaqarsinnaalersinnaanissaq.

Nerisassiornikkut paasissutissat aaneqarsinnaasut, assersuutigalugu paasissutissat pioreersut Asimitut ittut.Isumassarsiap imaraa innuttaasut nioqqutissiamit aallaaveqartumit paasissutissanik aallersinnaanissaat. Qanoq ililluni/sumi pisarisaava/sumi katersorneqarpa nioqqutissiassaq, qanoq mamaqarpa aammalu qanoq ililluni taanna/taakkua nerisassiornermut atorneqarsinnaava/pat. Pisinnaasat mamassutsillu uani oqaluttuami pingaaruteqarput, taakkualu nutarterneqartuassapput.

Isumassarsiap imaraa assit atorlugit nunatsinni pissarititaasut paasissutissanik aallerfigineqarsinnaanissaat, kujataa aallaavigalugu.Maani Innovation South Greenlandimi sulinitsinni takusinnaagatsigu assit pitsaasut atorlugit nunatsinni pissarititaasut aallerfigineqarsinnaanerata pisariaqartinneqariartuinnarnera. Aammattaaq isit atorlugit assit pitsaanerisa ilinniartitsinikkut, sulifeqarfinnit inunnillu nalinginnarnit atorneqarsinnaaneri. Assit atorlugit paasissutissanik katersuiffik tassaavoq nerisassiassat kujataaneersut sumiiffiisa nalunaarsorfiisa ilaterneqarnerat. Taanna aningaasaliisarfimmit NAPA-mit aningaasaliiffigineqarpoq.

Kujataata ilisarnaataa. Mamartukuluut tassaatikkusupparput nunatta kujataata immikkoortuata ilisarnaataa. Ilisarnaat Mamartukuluut atorlugu qularineqassanngilaq nioqqutissiat/nerisassiat suminngaanneernerinik aammalu pitsaassusiisa ajunngilluinnartuunerinik.

Igasa Food festival tassaavoq kujataani ukiumoortumik neriassiornermut tunngatillugu aaqqissuusaasartoq. Tassani oktoberi kujataani nerisassiornikkut qaammatigitinneqartarpoq. Oktoberimut aaqqissuussap inissinneqartarneranut pissutaavoq angallannikkut qaammat taanna pitsaasuusarmat. Nioqqutissat/nerisassat aasaanerani katersorneqarnikut piffissami tassani amerlasoorujussuusarput.Savaaqqat toqorarneqareersimasarput, piniakkat, aalisakkat, nunamit imaaniillu katersorneqarsimasut amerlasuusarlutik. Oktoberi naallugu aaqqissuussanik assigiinngitsunik pilersitsisarpugut, nerisassiornermut tunngasunik workshopeqartitsisarluta kujataani piffinni tamani. Aaqqissuussap kujataani innuttaasut namminneq nerisassaatiminnik uuttuinissaanik, maligassuinissamik aammalu nerisassiornermut tunngatillugu misigissutsit atorlugit pilersitsinissanik periarfissiisarpoq. Aaqqissuusaq aamma suleqatigiinnernik ilisimasanillu avitseqatigiinnernik piffinni periarfissiisarpoq.

Atlantikup Avannaani nunat assigiinngitsut attaveqaqatiinnissaanik pilersitsineq, kujataani nerisassiornermut tunngassuteqartumik nukittorsaasussaq Attaveqaqatigiinnerit kujataanit aallaaveqassapput. Taakkualu sakkuussapput maani nerisassiornikkut kulturitta siuarsarnissaannut. Tamannalu suleqatigiissitsinikkut issittumilu piffinni ilisimasanik avitseqatigiinnikkut pissaaq.

Narisassiornukkut nalliuttorsiornernik soqutigisalinnut aaqqissuussinerit DTU-mit Sisimiunittumit aaqqisuunneqartarpoq, ilisimatuussutsikkut aaqqissuussinerit ingerlanneqarnerini aamma aaqqissuunneqartarlutik. ISG nerisassiornermut tunngatillugu allanik ilisimasalinnik ilaqarluni nioqqutissanik ineriartortitsinermik saqqummiisaaq. Aaqqissuussaq tassaassaaq inunnik allanik nerisassiornermik tunngatillugu ilisimasalinnik pissanganartunik naapitsiffiusussaq,.