Uani anguniarlugu, pisassaalatsitsiffiup pisaqamasoqarfiullu nalaani containerit qerititsivittut atortalernissaat aammalu Kalaallit Illuinut nassiussinnginnermi poortoreernikut ileeraavigilernissatut, isumaqatigiissummik atsioqatigiittoqassaaq qaammammut akiliisarnissamut.

Kalaalimineerniarfiup silataani iluanilu, uumasut ilusaannik ilusilersukkanik paasissutissanillu imalinnik, soorlu qaqugukkut piniagaasarnersoq sammisaqartitsineq, meeqqat atuarfii peqatigalugit Narsami, Nanortalimmi Qaqortumilu.

Mamartukuluut kujataani tuniniakkani annertusarnerani peqataassaaq. Nerisassiat kujataani pisiat mamartukuluumik ilisarnaasikkamik naqitsitanik peqartassapput, naluneqartassanngimmat sumit pisiaanersut.

Kujataani aalisartut piniartullu kateritinnerani, tunitsivimmik ammaaniarneq eqqartorneqassaaq. Tunitsivissaq qanoq ittuunissaa ataatsimiinnermi eqqartorneqarlunilu, sumiiffissaa, sulisussat aalisakkallu pisarineqarsinnaasut tunitsivinnut tuniniarneqartalernissaat anguniarneqarluni. Aalisarnermut Piniarnermut Naalakkersuisoqarfimminngaanniit takkuttoqassaaq pissutsit nunatta kujataani takusarlugit siunnersuillunilu qanoq iliornissamut. Ataatsimiinnermi tunitsivimmik ammaanikumik takkuttoqassaaq, siunnersuilluni suut eqqumaffissaassanersut kujataani aalisartut piniartunullu iluaqutaasinnaasoq.

Aalisartut Piniartullu Ulluanni, ukiumi angusat unamminartullu pillugit nersornaammik tunisineq, inuit naapittarfianilu novembarimi ikkussuineq kujataani piniartut aalisartullu ilisaritillugillu.

Aalisartut piniartullu peqatigalugit, eqqagassanik nunap sineriaaniittunik aalisarnermut atortunik katersineq.

Takusassiat immikkoortoq siulleq, Kujataani aalisartut piniartullu atugassarititai, Nunatta kujataani immikkuullarissuserput takusassianngorlugu angalaneq: Kippartarnerup oqaluttuassartaa videonngorlugu isiginnaagassiassatut immiukkiartorneqassaaq. Tassani kippartarnerup inunnut allanut takutitassianngorlugu avammut nittarsaanneqassaaq, piorsarsimassuseq maani nunatta kujataani allanut takusassiarineqassalluni. Videot aamma meeqqat atuarfiinut ingerlateqqinneqarsinnaassapput, aalisartoq piniartorluunniit saqqummiineranni isiginnaagassiaq takutinneqarsinnaalluni atugassiaassalluni. Aalisartut piniartullu meeqqat atuarfiinut saqqummiussisalernissaanut aamma takusassiat atugassiaassapput, meeqqat aalisarnermut piniarnermullu qaammarsarneqarnerisigut, ataasinnguaq pileritsassinnaaguni aalisartunit piniartunillu qumasuutigineqartussatut oqaatigineqartarmat.

Takusassiat immikkoortut aappaat, Kujataani aalisartut piniartullu atugassarititai, uanilu aalisakkanik piniarneq pineqassaaq: Narsap eqqaani aalisartoq piniartorluunniit ulloq qanoq atortarneraa takusassianngorlugu (video) sananeq. Ullaarnganiit qanoq aalisartoq piniartorluunniit inuuneqarpa, aallannginnerami qanoq suullu piareersartarpai, piniarnermi suut iliuutsit atortarpai, pisaqareernermilu pisaq qanoq pineqartarnersoq, kinguneranilu sumut kimut qanorluunniit piareersarneqartarnersoq takusassianngorlugu sananeq, meeqqat atuarfiinut kingorna atugassiaasinnaasoq, aalisartoq piniartorluunnit saqqummiussigaangami atorsinnaasaa. Aalisartut piniartullu meeqqat atuarfiinut saqqummiussisalernissaanut aamma takusassiat atugassiaassapput, meeqqat aalisarnermut piniarnermullu qaammarsarneqarnerisigut, ataasinnguaq pileritsassinnaaguni aalisartunit piniartunillu qumasuutigineqartussatut oqaatigineqartarmat.

Takusassiat immikkoortut pingajuat, Kujataani aalisartut piniartullu atugassarititai, miterniarneq imaluunniit appa: Qaqortup eqqaani aalisartoq piniartorluunniit peqatigalugu, timmiamik piniartoq peqatigalugu takusassiamik sananeq, meeqqat atuarfiinut takutitassiassanngorlugu sanaaq. Aalisartut piniartullu meeqqat atuarfiinut saqqummiussisalernissaanut aamma takusassiat atugassiaassapput, meeqqat aalisarnermut piniarnermullu qaammarsarneqarnerisigut, ataasinnguaq pileritsassinnaaguni aalisartunit piniartunillu qumasuutigineqartussatut oqaatigineqartarmat.

Ukiup ingerlanerani, A/P/N suliallit apersorneqarumaarput, assilineqassapput aalasunillu takusassianngortinneqassallutik. Taakku siunissami atorluarneqarsinnaanissaat takorluukkami ilaavoq. Soorlu poorusiliornermik ilisimasalimmik apersuineq, misilittakkanik oqaluttuartitsinerit assigisaalu.

Kujataani Aalisartunut Piniartunullu inerisaaneq, Naalakkersuisoqarfik peqatigalugu ingerlanneqartoq, assigiinngitsunik imalik anguniagaqarfiullunilu, soorlu tunisassiorfeqarneq nutaanillu aalisakkanik misileraaneq. Ataatsimiinnerit ukioq kingulleq aallartippoq, Naalakkersuisut kujataani aalisartut piniartullu atugassarititaat siuarsarniarlugit, ataatsimiinnerit nittartagaq atorlugu ingerlanneqartarpoq, tassanilu peqataasarput kujataani aalisartut piniartullu aammalu naalakkersuisoqarfik APN-mi allaffimmi sulisut. Ukioq kingulleq nov-dec marloriaq naapippugut, ukioq manna suli ataatsimiinneq ingerlanneqanngilaq. Sulissutigineqarpoq APN maanga kujataanukarlutik aalisartut piniartullu qanimut naapillugit atugassarititaasullu pillugit ataatsimiinnissaq.

Nuummut, Reykjavikimut Mainemullu isumassarsiorluni angalaneq, nerisassiornermut siunnersorti peqatigalugu ingerlanneqassaaq. Angalaneq isumassarsiorfittut ingerlanneqassaaq, tassami Reykjavikimi Mainelu, immami nerisassiat allallu nunap pissarititaanik atuisuulluarmata. Sumiiffinni suliffeqarfiit assigiinngitsut pulaarneqassapput, siunissami suleqatigiilernissaq anguniarneqassalluni. Nuummi APN, nunalerinermut naalakkersuisoqarfik nerisassiorfiillu tunitsiviisinnaasut suleqatigisinnaasallu pulaarneqassapput.