Pisuussutinik tigussaanngitsunik katersinerit. Inunnik ilisimatuunik apersuinerit, ilisimasaat katersoriarlugit ingerlateqqinneqassapput siullermik podcastinngorlugit. Ukiut arlallit ingerlanneqarpoq kujataamiut oqaluttuartittarlugit ilisimasaat tammatsaaliniarlugit kujataatami oqaluttuarisaaneranut tunngasunik allattugaatinik soqarpiannginnatta. Upernaaq manna Arnaq Narsamut angalassaaq utoqqarnik apersuiartorluni, oqaluttartitsiartorluni.

KUJATAA pillugu ilinniusiorneq, pioreersunillu nutarterineq ingerlanneqassaaq. Siunissami atuartunik ilinniartunillu ilinniartitsinissamut atorneqartassapput. Kujataa pillugu atuarfinnut paasissutissiinissaq siunertaralugu atuartitsinermi atortussanik piareersaaneq tikitassat apeqqutaallutik tulluarsaaneq aallaavigalugu. Suliap taassumap nanginneratut ilinniusiorsinnaanissaq siunertaavoq ilinniarfinnut allanut aamma.

2024-mi Qassiarsuk 100-liilluni nalliuttorsiortussaammat, malinnartinnissaannut suliniutit aallartisalereersut ataavartumik ingerlanneqartussaapput piffissap tikinnissaata tungaanut. Qassiarsuup eqqaanilu savaateqarfiit oqaluttuassartaat atuagaaraliarinissaat eqqarsaatigaarput. Tiipaaraq aamma Otto Frederiksen savaateqarnerinnarmik inuuniuteqarniarlutik kalaallinit siullersaallutik 1924-mi Qassiarsummut nunasipput taamaasillutillu inuussutissarsiummik kujataanut sunniuteqaqisumut tunngaviliillutik.

Projekt ukiorpaalunni Kujataanit peqataafigineqarnikoq itsarnisarsiornermut tunnganerusoq 17 mio-ninik aningaasartalik naamassilermat inernerineqartut saqqummiunneqarnissannut peqataassuugut.

Amerikamit aningaasalaersorneqartoq peqataaffigaarput ilinniartut Campus Kujallermit Maine Universitymiillu nunaminertani angalaqatigineqassapput suullu takornarialerinermut tunngatillugu amigaataanersut misissorneqassalluni nalunaarusiussappullu Kujataani siunissami suliniutissat.

Projekt katersugaasivinnit Islandimit, Norgemit Scotlandimiillu suleqateqarnikkut pilersitaq, piujuaannartitsineq inuusuttunik ilinniartitsineq tunngavigalugu siunertaqartoq, ilaaffigaarput, aningaasanik NORAmut qinnutigineqarnikut utaqqivagut akissutissarsiffigissallugit. Iluatsippat ilinnartut Campus Kujallermit marluk ilanngunneqassapput ilinnartitsinerlu aallartisarneqassalluni, projekt ukiuni pingasuni ingerlanneqassaaq inuusuttut marluk piffit suleqatigiiffiusunik angalaqatigineqassapput, saniatigulllu piffinni tamani piujuartitsinissaq tunngavigalugu assigiingitsunik anguniagaqartoqassalluni. Maani Qaqortukuluumi aqqutiliornissaq suleqataanermi ingerlanneqassaaq.

Itsarnisarsiuuut nunanit assigiingitsuneersut suleqatigalugit atortut nutaaliaasut atorlugit nunaminertap arlaani, nunap iluani illukunik allanilllu nassaasaqarsinnaanersoq misissuinissaq. Islandimi ukioq manna ingerlanneqassaaq aappaagu maani ingerlanneqarumaartoq.

Qassiarsummi Igalikumilu Site guide -issanut qinnuteqartitsineq ilinniartitsinerlu . 1. junimit 15. Septemeberip tungaanut Site Guideqassaaq. Ukiut sisamassaat nunaqavissunik Site Guideqartitsissaagut.

Nunaminertani takornarissat aqunneqarnerunissaannut suliniut ingerlanneqarpoq. Umiarsuarni takornariartaatsinik nunaminertani takornariartitsisarnerup nuna aserfallakkiartornera illukullu aserfallappallaanginnissaanut siliniutit ilagaat, aqqutiliortuinissaq, aammali mingutsitsinnginnerusumik takornariaqartitsisinnaaneq, piujuartitsinerlu tunngavigalugit ingerlatsisinnaaneq, takornarissat aqunnerisigut. Taakkulu ilagaat politikkikkut kisimi aalajangiivigineqarsinnaasut. Ilisimasagullu ingerlateqqinnissaat pingaaruteqarmat ataatsimiinissamut aggersaavugut.

Illukoqarfiit takornariarneqarluartartut illersorniarlugit aqqutissiorneqassapput. Suliassaq mianernartoqarmat ilisimannittunik Islandimeersunik misilittagaqarluartunik aallartisarneqassaaq. Siunertaavoq nunaqavissunik ilinniartiisinissaat taamaalilluta siunissami nammineq suliarisinnaaniassagatsigu. Qaqortukuluumi aqqutiliornissat ukiut arlallit ingerlasussaq piareersarlugu aallartinneqareerpoq. Suleqatissat nassaariartornissaat, aningaasanik qinnuteqanissaarlu sulissutigineqassaaq.

Aqutsisunut ataatsimiititsisarneq ataavartumik ingerlanneqartassaaq. Anguniagasssat aalajangersorneqartarput suliassallu agguaanneqartarlutik. Aqutsisut uannga ilaasortaaqarput: Kommmune Kujalleq, Namminersorlutik Oqartussat, Nunatta Katersugaasivia Allagaateqarfialu, Dansk Kulturstyrelse taavaliKUJATAAni Aqutsisoq allatsitut inissisimalluni.

Ukiut arfinilikkaarlugit pisartoq UNESCOp allaffeqarfissuanut nalunaarusiamiik nassiussinissaq piffisssanngorpoq suliarinissaanut. Taanna siullermik Danmarikimut Kulturstyrelseimut nassiunneqassaaq, Kalaallit Nunaanit Danmarkimiillu nalunaarutit nassiunneqassapput martsip naanerani. Danmarkimiillu, Kulturstyrelsimit ataatsimoorussamik UNESCOp allaffeqarfissuanut Parisimut aasartinnagu nassiunneqassapput. KUJATAAni Aqutsisoq nalunaarusiortarpoq.

Aqutsinermut pilersaarut ukiut sisamakkaarlugit nutarsarneqartartoq ukioq naammassineqassaaq. Aqutsinermut pilersaarutip siunertaasa pingaarnersaat tassaavoq Kingornutassiaqarfiit KUJATAAni nunarsuarmioqatigiinnut kingornuttagassatut naleqartitat illersornissaat.

Kingornutassiaqarfinni upernaakkut takornariartitsineq aallartisarneqalerpoq destination Manager aamma Blue Ice suleqatigalugit. Timmisartukkut toqqaannartumik angalanerup upernaamiit aallartinnerata kingunerisaanik takornarialerinermut piffissap annertusisinnaaneranik periarfissaqartitsilerpoq.

Seminar peqataaffigineqassaaq Site Managerimit Park Rangerimiillu aamma takornariaqarnermik pisortamiillu. Sisimiuni 14.15 mart ingerlasussaavoq

Takornariaqarnermut pitsaanermut suliniarnissaq pillugu isumasioqatigiinneq Nuummi ingerlanneqartussaq peqataaffigineqassaaq. Aamma "Takornariaqarnermik Ineriartorneq" qupp, atuarneqarsinnaavoq.