Innovation South Greenland Københavnimi Arctic Business Network Summit 2025-mi oqallinnermi peqataavoq. Oqallinnermi attaveqaatit suliniutillu nutaat nuna tamakkerlugu minnerunngitsumillu najugaqarfinni naleqarnerulersitsisinnaanerat sammineqarput.
Pisortatta Miki Jensenip ISG-p kujataani sullisseriaasia oqaluttuaraa.
„Nunaqavissut inuussutissarsiornermi qanoq ineriartornersut qanimut malinnaaffigaagut, ilaatigut suliffeqarfiit suleqatissaminnik nunanit allaneersunik attaveqalernissaannut ikiortarpavut. Taamaaliortarpugut qulakkeerniarlugu nunani tamalaani soqutiginninneq kujataani suliffinnik, kaaviiaartitsinermik ingerlatsinermillu kinguneqartikkumallugu.”
Issittumi aningaasaliissutigineqartut ulluinnarni malugineqarsinnaasariaqartut pisortap erseqqissarpaa. Mikimi isumaqarpoq aningaasaliissutit nunaqavissunut inuulluarnerulersitsisariaqartut najukkanilu periarfissanik nutaanik pilersitsillutik. Nunarpullu avataanniit aningaasaliiffigitinnermi aningaasat qanoq atorneqartarnissaanut ilusilersueqataanissamut periarfissaqarluartoq erseqqissarlugu.
