Aallartisaatit Innovation South Greenlandimeersut
Assit: Aningaaq Rosing Carlsen - Visit Greenland
Aallartisaatit Innovation South Greenlandip inuussutissarsiornermik siuarsaanermut suliffeqarfinnut aningaasaleeqataasinnaanngornera maanna saqqummiussinnaaleratsigu nuannaarutigaarput.
Aningaasaliissutinut qinnuteqarsinnaapput suliffeqarfiit nutaat, suliffeqarfiillu pioreersut, najukkamilu inuussutissarsiornermik ineriartortitsinissamut suliniuteqartut.
Kikkut qinnuteqarsinnaappat?
Aningaasaliissutissat suliffeqarfinnut Kujataani nalunaarsorsimasunik najugaqartunut ammapput. Aallartisaatinut qinnuteqarniaruit ukua pingasut eqquutinneqartariaqarput:
- Suliffeqarfimmik nutaamik aallartitsiniaruit
- Suliffeqarfimmik nutaamik aallartitseqqammeruit
- Suliffeqarfimmilluunniit ingerlatsereeruit
Maluginiaruk: Suliffeqarfimmik aallartereeruit sulilu CVR-nummer-mik pilersitsisimanat, suli Aallartisaatinut qinnuteqarsinnaavutit. Aallartisaatinut qinnuteqareernermi qaammatit pingasut iluani CVR-nummer-taareersimassuutit aningaasaliisutinik pissarsiniaruit.
Qanoq annertutigisumik qinnuteqarsinnaavit?
Qinnuteqaammi ataatsimi 50.000 koruunit tikillugit qinnuteqarfigineqarsinnaapput, ukiumullu ataasiarluni suliniummut ataatsimut qinnuteqarfigineqarsinnaalluni.
Qinnuteqarniaraani suut piumasaqaataappat?
Qinnuteqarniaruit ukua nassiussinnaasariaqarpatit:
- Suliniutit suunera nassuiassavat, siunertaa aningaasallu qanoq annertutigisut qinnutiginiaritit
- Suliffeqarfiup kimit pigineqarnera kikkullu suleqatiginiarneqarnersut uppernarsarsinnaasariaqarpat
- Suliniummut tunngatillugu nassuiaat, ilaatigut Business Model Canvas atorlugu nassuiaasoqarsinnaalluni (BMC suunersoq nalornissutigigukku una linki toorlugu takusinnaavat: https://isg.gl/images/pdf_downloads/business_model_canvas-dansk-03.pdf)
- Ukiunut pingasunut tulliuttunut aningaasartuutit missingersuutaat
- Suliniutinut allanut assingusunut unammillinnginnerit misissueqqissaarnermi takutillugu
- Suliniummut aningaasartuutit minnerpaamik 5 procentiinik nammineq akiliisinnaanermut uppernarsaat
Qinnuteqarnissamut killigititaasut
Ukiumut sisamariarluni qinnuteqartoqarsinnaavoq, januaarip aallaqqaataani, apriilip aallaqqaataani, juunip aallaqqaataani oktobarillu aallaqqaataani. Maluginiaruk aningaasaliissutit ukiup aallartinneraniit qinnuteqarfigineqarlutik aallartissinnaammata, taamaammat ukiup sinneranut qinnuteqarsinnaaneq unitsinneqarsinnaavoq.
Qinnuteqaat suliarineqarnera aningaasaliissutinillu tunniussineq
Qinnuteqaatit ullut 30-t qaangiutsinnagit suliarineqassaaq. Qinnuteqaatit akuerineqarpat aningaasat 60 procentii ingerlaannaq pissarsiarissavatit. Sinneri 40 procentit aatsaat tunniunneqassapput nalunaarusiaq aningaasat qanoq atorneqarsimanerannik uppernarsaat tunniutereernerisigut.
Erseqqissaatigigaarpulli Nalik Venturesimit aamma Innovation South Greenlandimit suliniummut ataatsimut inuussutissarsiornermut tapiissutinik qinnuteqartoqarsinnaanngimmat.
Apeqqutissaqarpit?
Qinnuteqaatit imaluunniit aningaasaliissutit pillugit apeqqutissaqaruit uunga saaffigisinnaavatsigut: This email address is being protected from spambots. You need JavaScript enabled to view it.
Qinnuteqarnissannut qilanaarpugut sumiiffigisatsinnilu allanngueqataanissannut tapersersuinissarput qilanaaralugu!