Innovation South Greenlandip takornarialerinermik immikkoortortaa mikisuujuvoq, kisiat sulianik ulikkaarpoq.  Projektilli iluatsittassanngikkaluarput annertuumik attaveqaqateqanngikkaanni. Uani takusinnaavatit takornariaqarnikkut attaveqaqatigiiffiit aamma Innovation South Greenlandip qanittumik suleqatigisai.

Aappaluttunik qalipaatillit kujataaniituupput. Qasertoq qaamasumik qalipaatillit tassaapput nunap ilaani piffinni allani imal. nuna tamakkerlugu takornarialerisut. Qasertoq taartumik qalipaatillit tassaaput nunani allani suleqatit.

Naak kujataa nunatsinni immikkoortut akornanni angivallaangikkaluartoq takornariaqarnikkut periarfissanik ulikkaarpoq. 01. januar 2024-imi kujataani takornarialerisut 57-iupput. Uani nunap assingnni taakkua pingaarnerit sumiiffii takusinnaavatit. 

Malugiuk: Uani nunap assingani takornarialerisut pingaarnerit kisiisa takusinnaavatit. Takornarialerisullu piffinni assigiinngitsuni takornarialerinermik kiffartuussisartut amerlapput.

Innovation South Greenlandip, ilaatigut aamma Visit South Greenlandimik taaneqartartumi, takornarialerisut tamaasa attaveqarfigisarpai, assigiinngitsutigullu tamanut ikiuussinnaalluni. Soorlu makkuninnga: nittarsaanermut tunngatillugu suleqatigiinneq, nunanut allanut attaveqaqatissanut tunngassutilinnut, ineriartortitsineq pilersaarusiornerlu, @visit_southgreenland-ip nittartakkatigut attaveqaataasigut saqquminissaq, tuniniaavissuarni peqataanissamut piareersaanikkut il.il.

Takornarialerisut ataasiakkaarlugit ilisarerusukkukkit uani nittartakkatsinni, takornarianut toraartinneqartumut, takusinnaavatit www.visitsouthgreenland.com.