AKILIUTIT NUTAAT TAKORNARIANIK UMIARSUARNUT

Assiliisoq: Sarah Woodall - Innovation South Greenland / Visit South Greenland

10 April 2024

Tusarnikuuvisiuk umiarsuit takornariartaassuit nunatta imartaaniittut akiliisinneqartalernissaat? Umiarsuit takornariartaassuit imartatsinni angalasut akiliisinneqartalernissaannut siunertaavoq aningaasat isertinneqartalertussat maani nunatta kujataanut iluaqutaanerulernissaat. Aningaasat isertalertussat kommunep karsianut ikineqartassapput. Taakkua isertitassat imminut nammassinnaasumik takornarialerinermut suliniutinut ikorfartuutitullu, soorlu aserfallatsaaliinernut, nunap ataqatigiissarneranut avatangiisittalu illersorneqarnissaannut, atorneqartassapput. 

"Qilanaarpugut siunissami isertitassaqalernissatsinnut. Taakkua isertitarineqartalersussat ukioq mannamiit suliniutinut amerlasuunut tapersiutaanissaat naatsorsuutigilereerpagut," Sarah Woodall oqarpoq.

Kommune Kujalleq Innovation South Greenland A/S-ilu, piffimmi DMO-sup (takornariaqarnikkut nittarsaassivik aqutsivillu) kujataani tikiffissat allattorsimavaat umiarsuarnit/ilaasunit akiliuteqartarfiusussat. Uani illoqarfiit nunaqarfiillu tamarmik, aammalu pinngortitap tungaatigut takusassaqqissut tamarmik ilaatinenqarput. Allattorsimaffik ukiut tamaasa nutaamik nalilersorneqartassaaq.

Inatsisit sissiukkanut umiarsuillu takornariartaassuit akitsuutaannut tunngasut uani atuakkit:

Lovgivning.gl

Umiarsuit takornariartaassuit qaqugukkut illoqarfinnut, nunaqarfinnut tikiffissaanullu allanut tikittarnissaat uani takukkit:

cruisegreenland.gl

"Takornariartaassuarnut akiliuteqartitsinikkut millionilikkaat isaatinneqassapput"

.

knr.gl

Copyright - Innovation South Greenland A/S, Torvevej 37, B-163, 3920 Qaqortoq. Grønland