AECO 2024: 𝗣𝗶𝘂𝗷𝘂𝗮𝗿𝘁𝗶𝘁𝘀𝗶𝗻𝗲𝗾 𝗻𝗮𝗷𝘂𝗸𝗸𝗮𝗺𝗶𝗹𝘂 𝘀𝘂𝗹𝗲𝗾𝗮𝘁𝗶𝗴𝗶𝗶𝗻𝗻𝗲𝗾 𝗽𝗶𝗻𝗴𝗮𝗮𝗿𝘁𝘂𝘂𝗽𝗽𝘂𝘁
Assit: Sarah Woodall
ISG-mi takornariaqarnermut pisortaq Sarah Woodall umiarsuarnik takornariartaatinik angalasarfiit AECO-milu ilaasortat attaveqaqatigiinnermik ilisimasanillu avitseqatigiinneranni peqataavoq.
Umiarsuit nunatsinnut tikittartut avatangiisinut, inuiaqatigiinnut aningaasaqarnermullu tunngatillugu piujuartitsinerpaajunissaat qulakkeerneqarnissaa eqqarsaatigalugu peqatigiiffik AECO aqqutigalugu umiarsuit takornariartaatit qanimut oqaloqatigineqarnissaat pingaaruteqarluinnarpoq.
Umiarsuarnut takornariartaatinut avatangiisinut mingutsitsinngilluinnarnissamik piumasaqaateqarneq Nunatsinnut pitsaanerusoq, Takornariaqarnermit Kisitsisit pillugit nalunaarusiami Rambøllimi allaaserineqartumi takutinneqarpoq, tassami umiarsuit takornariartaatit piujuartitsinermi ingerlatsisuni ilaasut nunatsinnut aningaasanik atuinerusartut nalunaarusiami ilaatigut allaaserineqarpoq.
- 𝘒𝘶𝘫𝘢𝘵𝘢𝘢𝘯𝘪 𝘈𝘌𝘊𝘖-𝘱 𝘶𝘮𝘪𝘢𝘳𝘴𝘶𝘢𝘢𝘯𝘪𝘬 𝘪𝘭𝘪𝘴𝘪𝘮𝘢𝘴𝘢𝘴𝘴𝘢𝘳𝘴𝘪𝘰𝘳𝘵𝘶𝘯𝘪𝘬 𝘴𝘶𝘭𝘦𝘲𝘢𝘵𝘦𝘲𝘢𝘳𝘯𝘦𝘳𝘶𝘱 𝘴𝘢𝘮𝘮𝘪𝘯𝘪𝘴𝘴𝘢𝘢 𝘱𝘪𝘯𝘨𝘢𝘢𝘳𝘶𝘵𝘦𝘲𝘢𝘳𝘭𝘶𝘪𝘯𝘯𝘢𝘳𝘱𝘰𝘲, 𝘵𝘢𝘢𝘬𝘬𝘶𝘮𝘪 𝘯𝘶𝘯𝘢𝘵𝘴𝘪𝘯𝘯𝘶𝘵 𝘮𝘢𝘭𝘶𝘯𝘯𝘢𝘢𝘵𝘪𝘭𝘪𝘮𝘮𝘪𝘬 𝘴𝘶𝘯𝘯𝘪𝘶𝘵𝘦𝘲𝘢𝘳𝘵𝘢𝘳𝘮𝘢𝘵𝘢. 𝘜𝘬𝘪𝘶𝘵 𝘪𝘯𝘨𝘦𝘳𝘭𝘢𝘯𝘦𝘳𝘢𝘯𝘯𝘪 𝘴𝘶𝘭𝘪𝘯𝘪𝘶𝘵𝘦𝘳𝘱𝘢𝘴𝘴𝘶𝘪𝘵 𝘢𝘯𝘨𝘶𝘴𝘢𝘳𝘪𝘴𝘴𝘢𝘢𝘳𝘧𝘪𝘶𝘴𝘪𝘮𝘢𝘱𝘱𝘶𝘵, 𝘢𝘷𝘢𝘵𝘢𝘯𝘨𝘪𝘪𝘴𝘪𝘯𝘪𝘭𝘭𝘶 𝘪𝘭𝘭𝘦𝘳𝘴𝘶𝘪𝘯𝘦𝘳𝘶𝘱 𝘱𝘪𝘯𝘨𝘢𝘢𝘳𝘶𝘵𝘦𝘲𝘢𝘴𝘴𝘶𝘴𝘪𝘢𝘯𝘪𝘬 𝘦𝘳𝘴𝘦𝘲𝘲𝘪𝘴𝘴𝘢𝘢𝘴𝘶𝘵, 𝘢𝘢𝘮𝘮𝘢 𝘯𝘢𝘫𝘶𝘬𝘬𝘢𝘮𝘪 𝘪𝘯𝘶𝘪𝘢𝘲𝘢𝘵𝘪𝘨𝘪𝘪𝘯𝘯𝘶𝘵 𝘪𝘯𝘶𝘶𝘴𝘴𝘶𝘵𝘪𝘴𝘴𝘢𝘳𝘴𝘪𝘰𝘳𝘵𝘶𝘯𝘶𝘭𝘭𝘶 𝘪𝘭𝘶𝘢𝘲𝘶𝘵𝘢𝘢𝘴𝘶𝘯𝘪𝘬. 𝘜𝘮𝘪𝘢𝘳𝘴𝘶𝘢𝘢𝘵𝘪𝘭𝘦𝘲𝘢𝘵𝘪𝘨𝘪𝘪𝘧𝘧𝘪𝘱𝘱𝘢𝘴𝘴𝘶𝘢𝘳𝘯𝘪𝘬 𝘴𝘪𝘶𝘭𝘭𝘦𝘳𝘮𝘦𝘦𝘳𝘭𝘶𝘯𝘪 𝘯𝘢𝘢𝘱𝘪𝘵𝘴𝘪𝘯𝘦𝘲 𝘯𝘶𝘢𝘯𝘯𝘦𝘳𝘴𝘶𝘶𝘷𝘰𝘲, 𝘯𝘦𝘳𝘪𝘶𝘱𝘱𝘶𝘨𝘶𝘭𝘭𝘶 𝘴𝘪𝘶𝘯𝘪𝘴𝘴𝘢𝘮𝘪 𝘴𝘶𝘭𝘪 𝘢𝘮𝘦𝘳𝘭𝘢𝘯𝘦𝘳𝘶𝘴𝘶𝘯𝘪𝘬 𝘴𝘶𝘭𝘦𝘲𝘢𝘵𝘪𝘨𝘪𝘪𝘯𝘯𝘦𝘲 𝘴𝘶𝘭𝘪𝘯𝘪𝘶𝘵𝘪𝘯𝘪𝘬 𝘬𝘪𝘯𝘨𝘶𝘯𝘦𝘲𝘢𝘳𝘶𝘮𝘢𝘢𝘳𝘵𝘰𝘲, Sarah Woodall oqarpoq.
Ataatsimiinersuarnermi ullormi siullermi sammisaq taaguuteqarpoq “Meet the Destinations & Marketplace”, tassani nunap immikkoortua ilisaritipparput pisiniartartullu naapinnissaannut periarfissaqarluta.
Ullup aappaa taaguuteqarpoq “Annual Conference”, tassani issittumi politikerit inatsisit suliniutillu nutaat pillugit saqqummiussipput, immikkut ilisimasallit ilisimatusartullu assersuutigalugu umiarsuarnik angallassinerup immami uumasunut sunniutai pillugit saqqummiussipput, ilaasortallu ukiumi najukkami peqataatitsinermik suliniutit pitsaanerpaat pillugit saqqummiussipput.
Ataatsimeersuarneq nuna tamakkerlugu takornariaqarnermut siunnersuisoqatigiit periusissiamik malinninnissaannik aamma umiarsuarnik takornariartaatinik angisoorsuarnik takornariartaatinillu ilisimasassarsiorluni angalasunik ukkatarinninnerulernissamik anguniagatsinnut tapersiivoq.
Ukioq mannalu aatsaat taama amerlatigisut Kalaallit Nunaaneersut peqataapput, peqataasut 20-t missaaniillutik.