Sapaatip-akunnerani 44-mi Qaqortumi Nanortalimmilu atuartut angajulliit sammisat pissanganartut sammivaat.
Qaqortumi Tasersuup Atuarfiani sapaatip-akunnera aallarnisaanermut tunngavoq. Tassani Innovation South Greenland (ISG) saqqummiussivoq, atuartullu isumassarsiai pillugit oqaloqatigalugit – naggataatigullu unamminermi dommeriulluni.
Ajugaasut tassapput Milan aamma Romeo (10.A), taakkua containeritoqqani immiussivimmik sungiusartarfimmillu angallattakkanik isumassarsiaminnik saqqummiussipput. Ajugaasut ISG-p toqqarpai isumassarsiaq nuna tamakkerlugu nunanilu allani atorluarneqarsinnaammat – inuussuttorpassuarniillu atorluarneqarsinnaallutik.
Ajugaasut tullii tassaapput atuarfimmi angajulliit kantiinaliornissamut suliniutaat, meeqqat piffissaq eqqorlugu atuariartortarnissaat anguniarlugu ullaakkorsiortitsisarnissaq siunertarineqarpoq. Tamannalu tunngaviusumik ilinniarnermut pingaaruteqartoq ISG isumaqarpoq, atuartullu angajulliit piareersaasarneranni maligassiuisutut inississinnaanerat takusinnaallugu.
Ajugaasut kingulliit tassaapput pinngortitami pisuffissami illuaqqanik sanaartornissamik suliniuteqarusuttut, nunaqavissut takornariallu nuannaarutigisinnaasaannik.
Nanortalimmi atuartut ”Siunissara” sammivaat.
Atuartut ilinniarfiit assigiinngitsut misissorpaat suliffeqarfiillu arlallit suliatik saqqummiullugit. Naggataatigut ilinniartut eqimattakkaarlutik assigiinngitsorpassuarnik saqqummiipput, soorlu sanasunngorniarnermut pisiniarfilerinermullu tunngasut, nunatsinni Danmarkimilu efterskoleqarnissamut paasissutissat tunngaviusut atuartuniit saqqummiunneqarput allaallu New Zealandimi Italiamilu AFS-imik ilinniagaqarnissaminnik takorluukkanik saqqummiussisoqarluni. Innovation South Greenland saqqummiussisoqarnerani peqataavoq.
Meerartatta siunissaat pissanganaq.
