Innovation South Greenlandip Narsami misiliutitut aallarnisaanermik ilinniartitsineq naammassivaa.
INUVA suleqatigalugu ilinniartitsissutigineqartoq najukkami aallarnisaanermik ineriartortitsinermillu nukittorsaassaaq suliffeqarfinnillu mikisunik ikiuillunilu.
Suliffeqarfiit qulingiluat peqataaniarlutik nalunaarput, arfinillit peqataapput. Peqataasut ingerlatsinermut kinguaariillu nikinnissaannut aningaasalersuinermut – ineriartortitsinissamullu pilersaarutinut – webinarinilu suleqatigiinneq, sillimmasiisarneq qarasaasiakkullu AI atorlugu sulisinnaanermut tunngasunut pikkorissarneqarput.
“Eqqortumik siunnersorneqaraanni iliuuseqapallanneq namminersortunut iluaqutaangaarsinnaavoq”, Claus Christoffersen, INUVA-meersoq oqarpoq.
Suliffeqarfiit arlallit Grønlandsbankenimut, Nalik Venturemut Vestnordenfondenimullu attaveqalersimapput – aningaasaliisartunullu aamma attaveqarneq aallartissilallugu.
ISG-p pisortaata Miki Jensenip tamanna suliniummut annerusumut aallarniutitut isigaa: „Sumiiffimmi namminersortut piulassuseqartorujussuupput, kujataanilu tamani taamatut pikkorissaasoqarsinnaanera ilimagaarput.“
Maria Lyberth Jensen Arctic Linguameersoq peqataanini pillugu ima oqaluttuaraa: “Isumasioqatigineqartarpunga ersarissumillu siunnersorneqarlunga, tamannalu namminersortunngoqerninnut aalajangiisooqataavoq.”
Misileraalluni suliniut nunap immikkoortuani tamarmi atuutilersinniarlugu 2026-p aallartinnerani nalilersorneqassaaq.
