Sapaatip akunnerata siuliani Narsami nersutit kingulliit toqorarneqarput, ilaallu savaateqarfimmut allamut tassa Uummannartiivaqqamut nuunneqarlutik. Ukiorpassuarni Sofus Frederiksen Narsap Iluani savaateqarsimasoq naggataanilu nersutaatinissimasoq unippoq. Taassuma ukiorpassuarni Narsap Iluani nunaateqarneq aalluppaa, massakkullu unitsinniarlugit aalajangersimalluni.
Narsap Ilua maanna oqaluttuaannanngoraluartoq neriuut meeqqat akornanni Uummannartiivaqqamiunit ikinneqarpoq. Tassami qatanngutigiit sisamat nersutinik angutikuluuaqqanik marlunnik Sofusimiit tunisipput, nersutillu immuliortut marluk, arnavissat sisamat angutikuloorlu ataaseq maanna savaateqarfimmi pilersuisussanngorput.
Uummannartiivaqqami meeqqat nuannaarput.
-Suli atsinngilarput, angitikuluuaqqat militsittarparput ineqinaqaat. Attuuasarparput. Ataaseq nassuaraqarpoq aappaa aamma nassoqalaarlini. Savat inaat ungasilaarami siullermik savat kisiisa tusaassaraluaratsigi massakkit aamma tusaassarparput “MOOOO…”, Noah Uummannartiivaqqaneersoq oqaluttuarpoq.
Nersutit savatuulli ukiukkut nerisaqartuupput, ivigartortinneqartarlutik. Nersullu angutiviaq, Ferdinand, piaqqiortitsisinnaannginnami toqunneqassasoq Noah-p oqaluttuaraa. Uummannartiivaqqami qatanngutigiit sisamaapput, tassaallutik: Noah, Alma Arya aamma Naja.
Savaateqarfimmi savaateqarput, nersutit, kukkukuut, qeerlutuut, qimmit qitsuillu.
