Nanortalimmi sapaatip akunnerata ingerlanerani nerisassioriaatsinut assigiinngitsunut pikkorissaasoqarpoq, Narsami novembarip 21-aniit pikkorissaaneq ingerlanneqarpoq. Nunatsinni igasoq tusaamaneqarluartoq, Inunnguaq Hegelund kujataaniinermini nunatta pissarititai atorlugit takornarissanit misilinneqarsinnaasut pillugit pikkorissaavoq. Nanortalimmi pikkorissaaneq ingerlanneqarmat peqataasut 17-iupput.
-𝙋𝙞𝙠𝙠𝙤𝙧𝙞𝙨𝙨𝙖𝙖𝙣𝙚𝙦 𝙥𝙞𝙨𝙨𝙖𝙧𝙨𝙞𝙖𝙦𝙖𝙧𝙣𝙖𝙦𝙖𝙖𝙦, 𝙣𝙪𝙖𝙣𝙣𝙚𝙦𝙖𝙖𝙦 𝙖𝙖𝙢𝙢𝙖 𝙩𝙪𝙥𝙞𝙣𝙣𝙖𝙦𝙖𝙖𝙦 𝙪𝙪𝙢𝙖𝙨𝙪𝙩 𝙢𝙖𝙧𝙡𝙪𝙞𝙣𝙣𝙖𝙖𝙩 𝙖𝙩𝙤𝙧𝙡𝙪𝙜𝙞𝙩 𝙞𝙜𝙖𝙖𝙩 𝙖𝙨𝙨𝙞𝙜𝙞𝙞𝙣𝙣𝙜𝙞𝙩𝙨𝙤𝙧𝙥𝙖𝙨𝙨𝙪𝙪𝙨𝙞𝙣𝙣𝙖𝙖𝙨𝙪𝙩. 𝙉𝙖𝙣𝙤𝙧𝙩𝙖𝙡𝙡𝙞𝙥 𝙚𝙦𝙦𝙖𝙖𝙣𝙞 𝙥𝙞𝙜𝙞𝙨𝙖𝙜𝙪𝙩 𝙖𝙖𝙡𝙡𝙖𝙖𝙫𝙞𝙜𝙖𝙡𝙪𝙜𝙞𝙩 𝙖𝙨𝙨𝙞𝙜𝙞𝙞𝙣𝙣𝙜𝙞𝙩𝙨𝙤𝙧𝙥𝙖𝙨𝙨𝙪𝙖𝙧𝙣𝙞𝙠 𝙣𝙚𝙧𝙞𝙨𝙖𝙨𝙨𝙞𝙤𝙧𝙨𝙞𝙣𝙣𝙖𝙖𝙨𝙪𝙜𝙪𝙩 𝙩𝙖𝙠𝙞𝙫𝙖𝙧𝙥𝙪𝙩, pikkorissaanermi peqataasoq, Najaaraq Stach Hansen oqaluttuarpoq.
Pikkorissaaneq South Greenland Boat Charter 44-mit aningaasaliiffigineqarpoq – igasup tikisinnera ineqarneralu aningaasaliiffiginerisigut. Takornarissanit nerisassat nunatsinneersut misilerarneqarsinnaasut illoqarfimmi amigaataasarnerat suliffeqarfiup ilisimaarimmassuk. Pikkorissaasoqarsinnaanera kommunimit tigulluarneqarpoq.
Pikkorissaaneq akeqanngilaq – pikkorissarneqartullu nammineq pigisaminik aamma nassarsinnaasimapput.
– 𝙉𝙞𝙠𝙠𝙪𝙩 𝙠𝙪𝙨𝙨𝙖𝙧𝙩𝙞𝙩𝙖𝙩, 𝙣𝙖𝙖𝙨𝙪𝙩 𝙥𝙖𝙧𝙩𝙞𝙩𝙖𝙩 𝙖𝙨𝙨𝙞𝙜𝙞𝙞𝙣𝙣𝙜𝙞𝙩𝙨𝙞𝙩, 𝙥𝙖𝙖𝙧𝙢𝙖𝙩, 𝙧𝙪𝙪𝙖𝙩 𝙞𝙜𝙞𝙣𝙣𝙚𝙧𝙢𝙞 𝙨𝙮𝙡𝙩𝙞𝙠𝙠𝙖𝙩 𝙞𝙡𝙖𝙖𝙩𝙞𝙜𝙪𝙩 𝙣𝙖𝙨𝙨𝙖𝙧𝙣𝙚𝙦𝙖𝙧𝙥𝙪𝙩. 𝙏𝙖𝙖𝙠𝙠𝙪𝙖 𝙦𝙖𝙣𝙤𝙦 𝙞𝙡𝙞𝙡𝙡𝙪𝙩𝙖 𝙠𝙪𝙨𝙖𝙨𝙨𝙖𝙧𝙡𝙞𝙜𝙞𝙩 𝙨𝙖𝙨𝙨𝙖𝙖𝙡𝙡𝙞𝙪𝙩𝙞𝙜𝙞𝙨𝙞𝙣𝙣𝙖𝙖𝙣𝙚𝙧𝙞𝙥𝙥𝙪𝙩 𝙖𝙖𝙢𝙢𝙖 𝙞𝙡𝙞𝙣𝙣𝙞𝙖𝙧𝙥𝙖𝙧𝙥𝙪𝙩. 𝙉𝙪𝙖𝙣𝙣𝙚𝙦𝙖𝙖𝙦, Najaaraq Stach Hansen oqarpoq.
Pikkorissaanermi peqataasut ilaasa eqimattanngorlutik takornariaqalernissaanut piareersassamaarput.
– 𝙏𝙖𝙠𝙤𝙧𝙣𝙖𝙧𝙞𝙨𝙨𝙖𝙣𝙪𝙩 𝙣𝙚𝙧𝙞𝙨𝙖𝙨𝙨𝙖𝙣𝙞𝙠 𝙢𝙞𝙨𝙞𝙡𝙚𝙧𝙖𝙖𝙨𝙞𝙩𝙨𝙞𝙨𝙞𝙣𝙣𝙖𝙖𝙣𝙚𝙦 𝙖𝙢𝙢𝙖𝙖𝙣𝙚𝙦𝙖𝙧𝙣𝙞𝙠𝙪𝙪𝙫𝙤𝙦, 𝙩𝙖𝙖𝙣𝙣𝙖𝙡𝙪 𝙩𝙞𝙜𝙪𝙡𝙡𝙪𝙖𝙧𝙩𝙖𝙧𝙞𝙖𝙦𝙖𝙧𝙥𝙖𝙧𝙥𝙪𝙩, peqataasoq ilaat Oline Andreassen oqarpoq.
Narsami pikkorissaaneq tallimanngornermi novembarip 12-ani Inuilimi nal. 19.00-21.00 aallartippoq.
