Qaqortumi inuussutissarsiortut tillinniarnernut aserorterinernullu akisussaaffimmik tiguseqataarusupput.
Piffissami kingullermi neriniartarfiutillit pisiniarfiutillillu tillinniarnerit aserorterinerillu misigaat, tamanna toqqissisimannginnermik pilersitsivoq, borgmesterilu oqartussat susassaqartullu ataatsimeeqatigeqqammerpai.
Maanna Qaqortumi Sulisitsisut immikkoortortaqarfiata allanngueqataasoqarnissaanik akisussaaqqataanissamik piareersimalluni oqariartuutigaa.
– Suleqataarusuppugut. Inuusuttut meeqqallu inuunerminni assigiinngitsunik toqqagassaqarsinnaasut takutikkusupparput. Tillinniarnerit aserorterinerillu unissappata tamatta suleqataasariaqarpugut. Taamaammat oqartussat suleqatigerusuppagut ikioqataalluta, Kujataani Sulisitsisut immikkoortortaqarfiani siulittaasoq, Aqqaluk Abelsen oqarpoq.
Inuussutissarsiortut toqqissisimalersitsinissaq anguniarlugu oqartussat, peqatigiiffiit, susassaqartut innuttaasullu qanimut suleqatiginissaanut piareersimapput. Inuusuttut suliffeqarfiillu akornanni toqqissisimaneq anguniarneqartariaqarmat.
Tamatta kivitseqatigiitta.
