Samuel Egede 2019-imi sanasutut naammassivoq, nunaqarfiullu kujasinnerpaartaani Narsarmijini namminersortutut aallartilluni. Naak nunaqarfiup innuttai 60-it missaanaaniikkaluartut suliassaqartuartarsimavoq.
-Suliassaqaanavinnikuuvunga. Nukissiorfimmit, Mittarfeqarfimmit, kommunimit suliffeqarfinniillu suliassaqartarsimallunga, Samuel Egede oqaluttuarpoq.
Sanasoq Egede 2019-mi pilersippaa – nunaqarfimmiilli 2023-p tungaanut ingerlassimallugu, ilaqutariillutik Nanortalimmut nuunissartik tikillugu.
Maanna suliffeqarfik naatsorsuutigisamiit alliartupallattoq Egede oqaluttuarpoq, ullumikkummi marlunnik sulisoqarpoq suliassallu angisuuniit mikisunut suliarineqartarput, ullunilu makkunani savaateqarfimmi Narsarsuup eqqaani suliaqariartorpoq, sulisumi illoqarfimmi suliassanik suliaqartillugit.
Samuel suli sannavissaminnik nassaanngilaq, siunissamilu qaninnerusumi akiminut naleqquttumik nassaassalluni neriuutigalugu. Sanasoq Egede takutippaa nunaqarfimmi namminersortunngortoqarsinnaasoq.
Sanasoq Egede uunga attavigineqarsinnaavoq: sanasoqegede@hotmail.com imaluunniit 253929.
