Visit Greenland, Air Greenland aamma Innovation South Greenland suleqatigiillutik kujataa nittarsarlugu nunanit tamalaanersut angalatitsisartut kujataani sumiiffinnut assigiinngitsunut takornariartipai (FAM-trip).
Takornariartitsineq pivoq Islandimi Vestnorden Travel Martip ingerlanneqareersorlu (Nunatta, Island Savalimmiullu ukiumoortumik angallavissanik saqqummersitsiffiat). Angalatitsisartut ilaatigut ukunaneersuupput; Norge, Tyskland, Italia Schweiz aamma USA – taakkua Qaqortup eqqaani Unesco-qarfimmullu takornariartinneqarput.
Qaqortup mittarfissaa apriilimi 2026-imi ammarnissaa pillugu angalanermi periarfissat takutinneqarput. Kujataanilu Unesco-qarfiit alakkarneqarlutik. Angalatitsisartut angalanerminni sumiiffinni innuttaasut naapippai, pinngortitaq, kultorerput, nerisassat sumiiffillu pillugu oqaloqatigiinnerit ingerlanneqarlutik.
