© Innovation South Greenland
Ilaqutariit Egedekkut Eqaluit Iluaneersut immikkut Pisiffimmut qanimut suleqateqarnerat nuannersumik ineriartornera uppernarsiniarlugu, Pisiffik immikkut puussianik pilersitsivoq. Puussiat nunatta iluani nammineq pilersornermut takussutissiivoq pisiniat nalorninatik pisisinnaaniassammata.
”Pisiniarfitsinni nutaanik nunatsinneersunik naatsitarsisisoqarsinnaanera tanngassimaarutigaarput. Ilaqutariit Egedekkut immikkut annertuumik suliniuteqarsimapput, siunnertaat upperilluinnarparput,” Jesper Kingo Jørgensen, Qaqortumi Pisiffimmi tuniniaanermi pisortaq oqarpoq.
Naatsitat nunatsinneersut alloriarfigineqarput
Qaqortumi kartoffilit siulliit 550 kg tunineqarsimalerput, kartoffilillu 1 ton nuummut nassiunneqaleruttorlutik. Suleqatigiinnerlu aatsaat aallartilaarpoq. Ilaqutariimmi Egede ukiup tullissaanut naatitsineq kisiat aallutilertussaavaat, taamaalilluni ruuat kartoffilillu sineriammut siammasinnerusumut tunisaalertussaallutik. Nammineq pilersorneq taamaalilluni nukittorsarneqarpoq.
”Alloriarneq angisooq maanna ilusinikkiartorpoq. Ukiup tullissaaniit naatitsineq kisiat aallutilernissaa pissanganaqaaq nuannerunarlunilu. Alloriarneq neriunnarpoq tapersersorneqarnerpullu uagutsinnut pingaarutilerujussuuvoq,” Arnaq Egede, Eqaluit Iluaneersoq oqarpoq.
Qaqortumi Nuummilu kartoffilit pisiassaalereerput.
