Innovation South Greenlandip innuttaasut inuussutissarsiortullu isumaat tunngavigalugit kujataani takornariaqarnermut periusissiaq nutaaq suliarivaa.
Periusissiami 2031-p tungaanut takornariaqarneq qanoq ineriartortinneqarnissaa, nunaqavissut pingaartitaat tunngavigalugit pinngortaq, kulturi inuiaqatigiillu iluanni pissutit oqimaaqatigiissaakkamik takornarialerinerup ingerlanneqartuaannarnissaa periusissiami anguniarneqarpoq.
Periusissiap ilusilersornissaanut ataatsimiinnerni oqaloqatigiinnernilu nunap immikkoortuani tamarmi isumassarsiat isummallu katersorneqarput. Suliffiit nukittorsarnissaannik, najukkami atugarissaarnermik kulturikkullu kingornussatsinnik tulluusimaarutiginninnermik anguniagaqarpugut.
Periuseq uani atuarsinnaavat: Takornariaqarnermut periusissiaq 2026-2031
