Viking Networks & Young Adults suliniut ukiuni pingasuni ingerlasoq maanna naammassivoq, tamatumalu peqatigisaanik digitaliusumik atuagaq saqqummerpoq. Atuakkap imarai suliniutip ingerlanerani misilittakkat, periusissat aamma aaqqiissuteqarnerniarmi ilisimasat pingaarnerit.
Suliniut Norgemit, Islandimit, Nunatsinnit aamma Skotlandimiillu kingornutassiaqarfilerinermik suliaqartunit ingerlanneqarpoq. Qanga vikingit Atlantikup avannaani angalasarsimanerat oqaluttuarisaaneralu aallaavigineqarput, nunap immikkoortuini unammillernartut ataatsimoorussamik suliniuteqarfigineqarput.
Suliniutip pingaarnertut sammisai tassaapput takornariaqarnermik piujuartitsineq, sumiiffinni aningaasarsiornermik nukittorsaaneq aamma inuusuttut inersimasunngoreersut periarfissinneqarnissaat. Suleqatigiinneq ilisimasanillu avitseqatigiinneq aqqutigalugu takornariaqarnerup aqunneqarnera, avatangiisinut piujuartitsineq aamma inuiaqatigiinnik peqataatitsineq pillugit tigussaasumik aaqqiissutinik ineriartortitsisoqarpoq.
Suliniummut peqataasut tassaapput Lofotr Vikingmuseum Norgemeersut, Byggðasafn Skagfirðinga Islandimeersut, Kingornutassiaqarfik Kujataa Nunatsinneersut kiisalu Kyle & Lochalsh Community Trust Skotlandimeersut.
Atuakkami pingaarnertut siunertaraa siumut isigisumik ilisimasanik katersivittut atorneqarnissaa – peqataasuniit kingortassiaqarfilerinermik suliaqartunut allanut kiisalu inuiaqatigiinnit assingusunik unammilligassaqartunut isumassarsiorfigineqarsinnaanissaa.
Atuagaq uani atuarneqarsinnaavoq: Viking Networks & Young Adults